阿聯：9分，今場減少出手權，將精力更多放係防守上邊，最後時刻兩個BLOCK加一個單手補樽，將勝利掌握喺自己手中。
積遜：9分，或者好多人對佢諸多不滿，但今場，佢除咗兩個上籃，都無乜可以詬病，得分全隊第一，助攻並列第一，籃板全隊第二，第四節落後階段先係追平嘅兩分，然後就係反超嘅三分。再加上奮不顧身嘅救波，搏命沖搶進攻籃板。所以今場表現並肩阿聯。
周隊：8.5分，擺脫咗上場嘅低迷，第四節僵持階段挺身而出，個人獨得十分幫球隊緊咬比分。
趙睿：8分，搶籃板積極，三分命中率仍需提高，希望傷勢唔大，盡快複出
楊金蒙：8分，三分8中3，再次展現其關鍵時膽色，一個三分令到球隊最後階段領先，尼種鍛鍊，一場等於其他人十場。但唔好放鬆繼續練習三分。
尼高遜：7.5分，進攻有翻起色，但防守仍欠專注同硬凈，過早6犯，搞到阿聯壓力增大，有些少心浮氣躁，喺人地地頭，再加上有防守大巴豐富經驗嘅蘇偉，應該再醒目啲。
周湛東：7分，上場時間唔長，但防守積極，第四節一個偷波然後一個長傳助攻楊金蒙上籃領先，做到一個後備球員應該做嘅。但對孫傑入三分前個防守選擇個人覺得有誤
任骏飞：6分，除咗一個三分，無乜太多表現，希望下場加強一下進攻。
邵英伦：5分，上場唔到一分鐘攞到兩分，算係噉，希望盡快成長，可以頂周隊更長時間
胡明軒：3分，兩波都係差少少入，無乜表現。