【天宇+新闻】马子仁甜品当早餐

( 转载 ) 壹周刊

珍珠奶茶当早餐，罗天宇唔甜唔放入口。
亚洲先生个个六嚿腹肌高大威猛，曾几何时都系香港先生少年组冠军嘅罗天宇，当年嘅腹肌早已打回「圆型」。虽然唔系靠副最强 body搵食，但罗天宇过去两年拍《爱．回家》，时肥时瘦，听讲就连监制都开到声要佢 keep吓。
既然《爱．回家》就快到尾声，饰演马子仁嘅罗天宇，终於唔使再勒紧肚皮。早排《壹》仔见到戴住眼镜嘅罗天宇，一个人揸车去咗将军澳坑口。当时中午十二点过啲，见佢眼肿面肿，睇嚟刚刚瞓醒，但罗天宇手上已经攞住杯卡路里唔讲得笑嘅台式珍珠奶茶。当早餐？未算，之后佢再杀入甜品店，买咗两兜外卖走人。
地狱式减肥听得多，疑似自我放弃式增肥，八珍唔系佢肚里面条虫，希望我估错

去甜品店买外卖，仲要打孖上，一碗唔够摄牙罅。

有腹肌嘅罗天宇，呢副最强 body，可一，不可再。