藝人曾志偉及劉心悠到天際100出席奇華至尊月餅2017電視廣告首播禮，兩人身穿二十年代懷舊服飾登場，志偉gel行頭、戴上圓框眼鏡及西裝，打扮斯文，他笑言今次廣告中演繹靚仔，是演番自己，心悠穿上白色連身裙晒氣質。兩人即場演繹廣告中深情對望再望向鏡頭的一幕，兩人投入演出，但引得全場大笑！心悠台上表示廣告中要彈古箏，卻將「古箏」講錯成「古精」，笑爆全場，志偉即笑說：「呢個精真係難彈！點彈呀？」
自嘲得豬朋狗友
兩人孖住受訪，志偉表示與心悠相識12年，大讚她冇變過，期間志偉不停放笑彈，問到廣告中是否演情侶？心悠笑言不知道，志偉笑說：「畀大家性幻想一下！」問心悠若有一個好像志偉的男友是否冧爆？她勉強點頭笑：「我都鍾意幽默感，鍾意笑，外表唔重要。」志偉笑說：「疊水就得！」問志偉有否介紹男朋友給心悠？他說：「佢百毒不侵，好難嘅，我得兩種朋友，豬朋同埋狗友，點介紹得落。」 心悠又表示「時候未到」，志偉插口說：「依家仲係事前，未到事後。」
讚圈中乖乖女
心悠表示身邊好友的確有介紹過男仔，曾經坐低食飯，問到有否發展？志偉又插嘴：「咩發展呀？我試過灌醉佢，推佢入房，佢又走番出嚟！其實佢真係圈中嘅乖乖女，冇乜負面新聞，我懷疑過佢係咪有病，成日做完嘢即刻返屋企。」
瘋狂72小時
問他們中秋節會如何度過，志偉即笑心悠「好難過」，自己如果不用開工會瘋狂72小時：「又要追月、迎月同埋中秋正日，希望呢72小時唔好（醉到）畀人抬出去！」心悠則表示會跟母親返台灣，帶埋月餅跟親戚過，並笑言一眾親戚過去食月餅會成個食，近年終於懂得切片食，志偉笑說：「佢親戚多，要切薄啲，如果我係咁，大家同我脫離關係都似！」
自嘲得豬朋狗友
兩人孖住受訪，志偉表示與心悠相識12年，大讚她冇變過，期間志偉不停放笑彈，問到廣告中是否演情侶？心悠笑言不知道，志偉笑說：「畀大家性幻想一下！」問心悠若有一個好像志偉的男友是否冧爆？她勉強點頭笑：「我都鍾意幽默感，鍾意笑，外表唔重要。」志偉笑說：「疊水就得！」問志偉有否介紹男朋友給心悠？他說：「佢百毒不侵，好難嘅，我得兩種朋友，豬朋同埋狗友，點介紹得落。」 心悠又表示「時候未到」，志偉插口說：「依家仲係事前，未到事後。」
讚圈中乖乖女
心悠表示身邊好友的確有介紹過男仔，曾經坐低食飯，問到有否發展？志偉又插嘴：「咩發展呀？我試過灌醉佢，推佢入房，佢又走番出嚟！其實佢真係圈中嘅乖乖女，冇乜負面新聞，我懷疑過佢係咪有病，成日做完嘢即刻返屋企。」
瘋狂72小時
問他們中秋節會如何度過，志偉即笑心悠「好難過」，自己如果不用開工會瘋狂72小時：「又要追月、迎月同埋中秋正日，希望呢72小時唔好（醉到）畀人抬出去！」心悠則表示會跟母親返台灣，帶埋月餅跟親戚過，並笑言一眾親戚過去食月餅會成個食，近年終於懂得切片食，志偉笑說：「佢親戚多，要切薄啲，如果我係咁，大家同我脫離關係都似！」
