☆﹏Mr.K ▌°≮新闻≯2018-12-20 阿娇结婚相关新闻

【明报】阿嬌喜宴 關智斌「不負眾望」 搶到花球 全場尖叫
已榮升賴太的鍾欣潼（阿嬌），昨晚和老公賴弘國舉行婚宴，身為姊妹團之一的蔡卓妍（阿Sa）表示，昨晚會全力幫關智斌（Kenny）搶花球，而Kenny最後亦不負眾望，阿嬌拋花球時，容祖兒和張致恆等已將Kenny推到最前，最後果然由Kenny本人接到，阿Sa大叫：「好開心呀﹗Kenny，恭喜你呀﹗」
事後經理人霍汶希（Mani）亦在社交網，上載Kenny拿著花球，跟一對新人合照，Mani留言：「恭喜晒今（昨）晚幸運兒 @kennyjr 接到花球」

【阿嬌婚宴】關智斌搶中花球 網友：你嫁得出喇！
鍾欣潼(阿嬌)與賴弘國昨晚擺酒，圈中一眾好友撐場，兄弟姊妹團也非常搶鏡。姊妹方面，除了有同屬「英皇龍虎豹蛇」的容祖兒、蔡卓妍（阿Sa）和鄭希怡(Yumiko)，還有阿嬌的中學同學，據知當晚沒有玩新郎環節。祖兒與阿Sa大讚兄弟團省鏡，阿Sa更説會為祖兒做媒，幫她拿聯絡電話。掟花球環節中，關智斌Kenny 沒有令一眾網民失望，順利接到新娘子阿嬌擲出的花球，有網友更笑言「Kenny 你嫁得出喇！」非常搞笑。
祖兒讚兄弟團省鏡 阿Sa幫手抄牌
祖兒與阿Sa合送價值24萬元、高1.9米、城堡形狀的結婚蛋糕，一對新人切完蛋糕後，司儀Kenny和Steven就叫她們講解蛋糕背後的心思，祖兒上台笑言：「我想話畀你聽，你老公畀到你嘅嘢，我哋都畀到！」阿嬌問：「係咩？真係㗎？」Steven又問祖兒：「攞出嚟得嗎？」祖兒指住蛋糕回應：「攞咗啦！」阿嬌甜笑話收到大家的愛，這份愛永遠在心中。
婚宴有不少藝人出席，包括有很早到場的何超蓮，贈送大利是的李克勤，張智霖袁詠儀更笑言來婚宴是想要找回初結婚的感覺。張敬軒更與祖兒上台合唱《唯獨你是不可取替》。

【头条日报】阿嬌婚宴 楊受成送鍾欣潼出嫁 霍汶希感動眼濕濕
多位出席阿嬌與賴弘國婚宴後，即轉場到灣仔海景萬麗酒店繼續慶祝。當中包括老闆楊受成、霍汶希（Mani)、容祖兒、鄭希怡和老公、何超蓮、關智斌、張致恆、薛凱琪和吳千語等。楊受成博士被問到帶着阿嬌進場是否很感動？楊生即舉起手指公。Mani被問到在婚禮上可有感動？她説：「眼濕濕，（有冇假放？）冇，有嘢照做。」阿嬌和老公一齊到，阿嬌換上黑色吊帶裙，由老公拖着落車，問到可有開心感動到哭出來？沒有，阿嬌表示沒有假放，問她是否趕住生仔？阿嬌只回頭笑。

【橙新闻】阿嬌喊住承諾孖老公孝順公婆媽咪　Kenny眾望所歸「搶」到花球
藝人鍾欣潼（阿嬌）與老公賴弘國（Michael）昨晚擺酒，筵開38席，婚宴於晚上9時開始，由BOYZ為婚宴打開序幕，關智斌（Kenny）甫上台已表示：「好感動啊，因為大家都係同阿嬌一齊成長，今日見到佢真係好感動。」然後就播出二人早前在美國Pre-wedding的片段。播完片後，現場小提琴奏出Westlife的《Beautiful Life》，新娘子阿嬌換上靚靚婚紗，由老闆楊受成帶領入場，全場歡呼聲及掌聲四起。
行到台前，楊受成將阿嬌交給Michael後不忘再次叮囑說：「你要好好對阿嬌！」一對新人接着在台上致辭，阿嬌邊喊邊說：「好好感謝上天畀我遇到所有愛我嘅人、多謝公司18年嚟咁照顧我、幫助我。多謝老闆楊博士同埋我經理人Mani（霍汶希），我都想同我媽咪、公公（老爺）、婆婆（奶奶）說，以後我跟弘國（老公）一齊孝順你們，謝謝！」至於Michael則表示：「感謝大家來到這個地方，見證我們幸福的時刻，然後我特別感動，也特別感謝我老婆的公司英皇對於我們的幫忙。」然後對住台下的嬌媽話：「放心把女兒交給我。」場面既浪漫又感人。
隨後工作人員推出由容祖兒與蔡卓妍（阿Sa）送給新娘子高1.9米、價值10萬的結婚蛋糕，蛋糕外形似足哈爾移動城堡！切完蛋糕，BOYZ就叫祖兒同阿Sa就上台講講蛋糕背後的心思，祖兒一上台卻謂：「我想話畀你聽你老公畀到你嘅嘢，我哋都畀到！」阿嬌笑住問：「係咩？真係㗎？」張致恆（Steven）說: 「祖兒，攞出嚟得嗎？」祖兒秒回並指住蛋糕：「攞咗啦！」阿嬌甜笑話收到大家的愛，這份愛永遠在心中。
之後就到楊老闆上台致辭：「多謝各位親友，你哋今日蒞臨Michael同阿嬌嘅大喜日子，我喺呢度祝福佢哋百年好合，永結同心，幸福快樂。但我希望佢哋唔好連生貴子，因為阿嬌大咗肚呢，就做唔到嘢，因為對英皇娛樂嚟講，佢係其中一個最搵錢嘅藝人。」阿Sa就插嘴：「金蛋呀！我幫佢頂住先！」阿嬌聽到就精靈說：「即係幫我大住肚先係咪？」阿Sa爆笑回應：「幫你做住嘢先呀！」
到了拋花球環節，由Kenny成功搶到花球，不過睇番Mani上載的現場片段，見到阿嬌拋花球前一班兄弟姊妹已經夾硬推Kenny到最前位置，Steven更從後攬實Kenny不讓他離開，而阿嬌亦看準Kenny站的位置較好角度拋給他，當花球拋到落Kenny手上時祖兒更幫手讓他攬實花球，相當搞笑！雖然整個過程Kenny如同被迫一樣，但當他成功搶到花球後舉高花球炫耀，看來十分高興！

【oncc】似被迫喎 Kenny眾望所歸搶花球成功
歌手鍾欣潼（阿嬌）同台灣醫生老公賴弘國尋晚舉行婚宴，之前一眾人講到拋花球環節，話關智斌（Kenny）會主動去搶，不過睇番現場片，阿嬌準備拋花球時，一班兄弟姊妹硬推咗Kenny去最前位置，好兄弟張致恒（Steven）從後攬到實唔畀佢行開，容祖兒亦企定喺隔籬預備幫Kenny搶花球，阿嬌拋之前仲專登擰轉頭睇吓Kenny企個位，跟住就校啱位拋落佢度，花球順利飛落Kenny面前，祖兒仲伸手幫Kenny攬實個花球！雖然睇落Kenny好似被迫咁款，其實佢有主動伸手攞住個花球，之後喺一片歡呼聲中，好高興咁高舉花球，真係恭喜晒！

【苹果】Joey硬塞花球畀Kenny 阿Sa攜百億男友現身
37歲鍾欣潼（阿嬌）同台灣老公「醫界王陽明」賴弘國（Michael）噚晚喺九龍一間酒店擺酒，星光熠熠，Joey同軒仔拖手唱《唯獨你是不可取替》，恍如天使歌聲，深情對望、大晒高音，Joey同軒仔唱完，即向台下嘅阿嬌送上飛吻，阿嬌向二人展露幸福笑容。
之後新娘子阿嬌上台準備拋花球，Joey同Steven夾份整蠱智斌(Kenny)，將個花球推畀佢，令花球跌咗去Kenny身上，軒仔、Yumiko及阿Sa都驚訝到擘大口得個窿，搞到Kenny相當尷尬，Yumiko剛才喺IG陸續貼出合照，其中一張見阿Sa百億富二代男友石恆聰（Anthony)都在場，網民笑言：「另外一位駙馬呀!」阿Sa同Anthony拍拖一年半，感情穩定，亦認定對方為結婚對象，唔少fans都想阿Sa快啲同男友拉埋天窗。

【苹果】Joey硬塞花球畀Kenny 阿Sa攜百億男友現身
37歲鍾欣潼（阿嬌）同台灣老公「醫界王陽明」賴弘國（Michael）噚晚喺九龍一間酒店擺酒，星光熠熠，Joey同軒仔拖手唱《唯獨你是不可取替》，恍如天使歌聲，深情對望、大晒高音，Joey同軒仔唱完，即向台下嘅阿嬌送上飛吻，阿嬌向二人展露幸福笑容。
之後新娘子阿嬌上台準備拋花球，Joey同Steven夾份整蠱智斌(Kenny)，將個花球推畀佢，令花球跌咗去Kenny身上，軒仔、Yumiko及阿Sa都驚訝到擘大口得個窿，搞到Kenny相當尷尬，Yumiko剛才喺IG陸續貼出合照，其中一張見阿Sa百億富二代男友石恆聰（Anthony)都在場，網民笑言：「另外一位駙馬呀!」阿Sa同Anthony拍拖一年半，感情穩定，亦認定對方為結婚對象，唔少fans都想阿Sa快啲同男友拉埋天窗。